Iččeh näh

eräs talvikuun päivy

flagu lepsau pihal

ga ei se ole minun oma flagu

ei enämbiä minun

vai konzu ollougi olluh

vuozi vuvven jälles

kodvane kodvaze peräs

roih vierahambakse tämä mua

ainos vai vierahambakse

ku parembači iččeni ker

roimmos tuttavakse

vot enbo mie tarviče

en flaguu, en ni muadu

vai oldaneh niegloi da rihmoi

voin kirjonduo omat sovat

vai ollou minul sanakniigu

voin opastuo omah kieleh

dai ollah i dovariššat

kai armahat, kudamat

minul kerrotah ken olen

ku en ainos iče musta

ku en ainos iččeh luota